National bank of egypt interview questions
من المعروف ان المقابله الشخصيه هي اهم مرحله تقدر من خلالها توصل للوظيفه اللي انت محتاجها احنا اهتمينا بيها وجمعنا كل اللي بيه وبتوفيق ربنا تقدر تعديها ولان البنك الاهلي من اكبر البنوك وهوا حاليا طالب ناس كتير جداً نظرا لتوسعه خلال هذا العام سئلنا الناس اللي مرت بالمرحله دي وكل واحد رد بإسلوب مختلف
الـ HR غالبا بتكون واحده ست
1- Introduce your self اتكلم عن نفسك لحد ماتغير السؤال أهم حاجه تكون كويس فى الانجليزى وتظبط نفسك فى الجرامر فى الكلام اللى هتقوله
2- بتسألك عن شغلك القديم وليه سبته او هتسيبه ؟
الــTechnical غالبا بيكون راجل بيكون شخص مدير منطقة او مدير قطاع ...
1- بيسألك ليه عايز تشتغل فى البنك ده ؟ وممكن تضيف ايه للبنك؟ والبنك هيضيفلك ايه؟
2-قولى أصعب موقف حصل معاك فى الشغل وقدرت تتغلب عليه ازاى؟
4- معلومات عن اهلك .والدك ووالدتك واخواتك شغالين ايه ؟
6- في سؤال تسأله او اى استفسارات ؟؟
( تجربة شخصيه في مقابلة البنك الاهلى )
انا كان عندى انترفيو ودا اللى حصل معايا قالتلى عرف نفسك بالانجليزى قلتلها كانت بتتكلم عربى بعدها قلبت انجليزى هى كمان لما بتلاقى اللى قدمها فاهم انجليزى سالت عن شغلى واهلى وعايز اسيب شغلى الحالى ليه لو شفتك بتتكلم انجليزى كويس بتقلب عربى بعد سوال او سؤالين لو نجحت بتبعتك ع انترفيو تانى اسمه تكنكال لو عديت منه يبقى كدا انت اشتغلت خلاص بالتوفيق
بتاخد كل حاجه السى فى وشهادة الجيش للولاد طبعا بس وصورة البطاقه وصورة شهادة الميلاد وصورة المؤهل والتكنكال بيبقى ف نفس اليوم بتاع الانترفيو لو نجحت بتدخل تكنكال
التكنكال
بيكون عن البنوك والاقتصاد والبورصه وعايزة تشتغلى ف قسم ايه ف البنك وليه وتعرفى ايه عن خدمات البنك الاهلى وكدا بس مش بيضغطو عليكى اوى ف الاسئله اللى بيعدى للتكنكال بيبقى بنسبه كبيرة استلم الوظيفه
....................................
عشان الناس الي متعرفش تزاكر ايه للتكنكال و يا ريت تعذروني و الله مش كل الرسايل بشوفها و برضو مش كل الكومنتات بشوفها لاننهم كتير اوي المهم ده اكتر الاسئله ممكن تتسال في التكنكال و ان معرفش اجابتها كلها فمتسالنيش هقولك على مصادر تلاقي فيها الاجابات و تزاكر الحاجات التانيه كمان لان ممكن تتسال غير الاسئله ده لازم تتعب علشان تحس بحلاوة النجاح :
و ده اكتر الاسئله تكرارا في التكنكال ايه الفرق بين الشيك والكمبياله والسند الاذني
ايه بنود الميزانيه طب ايه الفرق بينها وبين الموازنه والمركز المالي وقايمه الدخل وقايمه التدفقات
ايه الفرق بين ميزانيه البنك والشركه
ايهالفرق بين الاوراق التجاريه والماليه
ايه الفرق بين اذون الخزانه والسندات
ايه الفرق بين الائتمان المصرفي والتجاري
طب ايه هو الاهلاك والفرق بينه وبين الاستهلاك
ايه الائتمان التجاري والتجزئه المصرفيه
ايه دور البنوك ف دعم المشروعات الصغيره
ايه انواع البنوك وايه اللي تعرفيه عن البنك المركزي
طب ايه الفرق بين السياسه الماليه والنقديه
ايه اخر قرارات المركزي
وايه الفرق بين خطاب الضمان والاعتماد المستندي
الفرق بين الوديعه والقرض
الفرق بين الفيزا والماستر كارد
ايه هي منتجات البنك والخدمات اللي بيقدمها البنك وايه اللي تعرفيه و ايه الي تعرفه عن ازمة الدولار و شوية مواقف زي :
1.عميل شتمك بلفظ خارج تعمل ايه ؟
2.لو عميل ادالك فلوس مزوره تعمل ايه ؟
3.لو عميل عايز يسحب مليون جنيه تعمل ايه ؟
4.لو عميل قالك ان الفلوس ناقصه تعمل ايه ؟
5.لو عميل عايز يقفل الحساب عندك لانه لقي بنك تاني بيدي فايده اعلى ازاي تقنعه ميقفلش الحساب ؟
6.لو عندك تارجت محتاج اسبوع و قدامك 3 ايام تحققه ازاي
و ده افضل المصادر الي تزاكر منها التكنكال ده الي اعرفه
وده فايل جمعنا فيه اهم الاسئلة والتجارب اللى حصلت
تقدر تحمله وهتلاقي فيه اسئلة وكلام كتير هيفيدك ( التحميل من هنا )
